BAÁ Prezıdenti men Premer-Mınıstri Nursultan Nazarbaevqa jedelhat joldady

NUR-SULTAN. QazAqparat - Nursultan Nazarbaevtyń atyna Birikken Arab Ámirlikteriniń Prezıdenti Halıfa Ben Zaıd Ál Nahaıannan jáne Birikken Arab Ámirlikteriniń Vıtse-Prezıdenti, Premer-Mınıstri, Dýbaı ámirliginiń bıleýshisi Muhammed ben Rashıd Ál Maktýmnan jedelhattar kelip tústi, dep habarlaıdy Elbasy.kz.

Birikken Arab Ámirlikteriniń Prezıdenti men Premer-Mınıstri Elbasynyń tezirek saýyǵyp ketýine tilektestik bildirdi.

«Alladan Sizge zor densaýlyq, amandyq, uzaq ómir, otbasyńyzǵa jáne dostas Qazaqstan Respýblıkasynyń halqyna jaqsylyq suraımyz. Bizdiń zor qurmetimiz ben ystyq yqylasymyzdy qabyl alyńyz», - delingen jedelhattarda.