BAÁ óz tarıhyndaǵy rekordtyq jaýyn-shashynnan keıin qalpyna keltirilip jatyr
ASTANA. KAZINFORM – Parsy shyǵanaǵy memleketi elde buryn-sońdy bolmaǵan jaýyn-shashynnan keıin qalpyna keltirilip jatyr. Beısenbi kúni eldiń basym bóliginde jaýǵan jańbyr toqtady. Biraq turǵyndardyń kópshiligi tolassyz jaýǵan nóserdiń saldarymen áli kúresip keledi.
Sársenbi kúni halyqqa joldaýynda BAÁ prezıdenti, Ábý-Dabı bıleýshisi sheıh Muhamed ben Zaıd Ál Nahaııan bılik «BAÁ-degi ınfraqurylymnyń jaǵdaıyn tez arada tekserip, keltirilgen zalaldy shekteýge kóshetinin» aıtty.
Kýágerlerdiń aıtýynsha, beısenbi kúni adamdar buryn tastalǵan kólikterge jetý úshin sý tasqyny arqyly ótip, qozǵaltqyshtarynyń jumys istep turǵanyn teksergen. Kóshelerde sýdy tartyp shyǵarý úshin avtotsısternalar jumys istep jatyr. Ámirlik basshysy sondaı-aq aýa raıynyń qolaısyzdyǵynan zardap shekken barlyq otbasyǵa qoldaý kórsetýdi, zardap shekkenderdi jergilikti bılikpen birlesip qaýipsiz jerge kóshirýdi buıyrdy. Tótenshe jaǵdaılar qyzmetkerleri sý basqan joldardy tazalaýǵa kirisip, daýyldan úıler men kásiporyndarǵa keltirilgen shyǵyndy baǵalaý bastaldy.
Mektepter kelesi aptaǵa deıin jabyq. Beısenbi kúni tańerteń Dýbaı halyqaralyq áýejaıy (DXB) sheteldik tasymaldaýshylar paıdalanatyn 1-termınalda kiris reısterin qabyldaýdy qaıta bastaǵanyn habarlady. Bul rette reısterdiń áli de keshigip, toqtatylyp jatqany atap ótildi. Keıinnen 3-termınalda Emirates jáne Flydubai reısterine tirkelý qaıta ashyldy.
Áýejaı bıligi áýejaı termınaldarynda adam kóp bolýyna baılanysty jolaýshylardy qoldarynda áýe kompanııasynyń rastalǵan brondaýymen ǵana kelýge shaqyrdy. Habarlanǵandaı, jaqyn mańdaǵy joldardy sý basýy sebebimen daýyl kezinde áýejaıda qalyp qoıǵan jolaýshylarǵa azyq-túlikti túngi saǵat 1-de jetkizilgen. Daýyl kezinde ushý-qoný jolaǵyn sý basý saldarynan barlyǵy 1244 reıs toqtatylyp, 41 reıs baǵytyn ózgertti, dep habarlaıdy Khaleej Times.
«Daǵdarys elder men qoǵamdardyń kúshin kórsetedi. Biz bastan ótkergen tabıǵı klımattyq daǵdarys barlyq azamattar men turǵyndardyń elimizdiń ár túkpirine degen zor qamqorlyqty, sanalylyqty, birlik pen súıispenshilikti kórsetti», - dep jazdy Dýbaı bıleýshisi sheıh Muhammed ben Rashıd ál-Maktým H áleýmettik jelisinde.
