BAÁ OPEK-pen kelisimge qol qoıǵan elderdi mámileni jarty jylǵa uzartýǵa shaqyrdy

ASTANA. QazAqparat - BAÁ energetıka mınıstri Sýheıl al-Mazrýı  munaı óndirýdi qysqartý týraly kelisimge qol qoıǵan memleketterdi  mámileni uzartýǵa shaqyrdy, dep habarlaıdy TASS Bloomberg agenttigine silteme jasaı otyryp.

«Barlyq munaı óndirýshiler mámileni uzartýǵa kelisýi kerek», - dedi mınıstr jýrnalısterge. Onyń aıtýynsha, bul qısyndy is bolar edi.

Al-Mazrýı munaıdyń jahandyq qory ekinshi jartyjyldyqta turaqtanatynyna senim bildirdi.

«Ekinshi jartyjyldyqta suranys artyp, munaı óńdeý zaýyttary profılaktıkalyq jumystaryn aıaqtaıdy jáne munaı tutyný jańaryp, qor qysqaratyn bolady», - dedi ol. Mınıstr teńiz tankerlerindegi qordyń taýsylyp bara jatqanyn tilge tıek etti.

Munaı óndirý týraly kelisimge qatysatyn OPEK elderi men basqa da munaı óndirýshi elderdiń resmı kezdesýi 25 mamyr kúni Venada ótedi. Mámilege OPEK-ten 11 el jáne 11 táýelsiz munaı óndirýshi memleket qatysady. 2017 jyldyń birinshi jartyjyldyǵynda alıans munaı óndirýdi 1,8 mln. barrelge tómendetýge kelisti.