BAÁ-niń Úkimeti jas jubaılarǵa úılený toılaryn ótkizýge materıaldyq kómek kórsetýde
ÁBÝ-DABI. 25 tamyz. QazAqparat - Birikken Arab Ámirlikterinde «Neke qory» memlekettik organy qyzmet etýde, onyń qarajattary bul eldiń azamattaryna úılený toılarynyń shyǵyndaryn óteýge kómektesedi.
Biraq, jergilikti «Galf nıýs» basylymynyń jazýynsha, BAÁ-degi úılený toıyn ótkizý shyǵynǵa toly sharaǵa aınalady, banketke shamamen 1000 qonaq shaqyrylady, kıimdi satyp alyp, túrli oıyn-saýyqty uıymdastyrýǵa óte kóp aqsha jumsalady.
Memlekettik qor jas jubaılarǵa 1992 jyldan bastap materıaldyq kómek kórsetýde. Úkimettik kómektiń jalpy somasy 70 myń dırhamdy (shamamen 19 myń AQSh dollary) quraıdy. Bul rette kómek suraýshy óziniń tómen tabysyn - on toǵyz myń dırhamnan az alatynyn dáleldeýi tıis. H.Ál Hasanı granttyń úılenýshilerdiń bul alǵashqy nekesi, kúıeý jigittiń 21 jastan jáne qalyńdyqtyń 18 jastan asqan jaǵdaıynda ǵana beriletinin qosyp ótti.
