BAÁ Netanıahýdyń sapary jáne el prezıdentimen kezdesýin rastady
ASTANA. KAZINFORM — BAÁ men Izraıl basshylarynyń baılanysy jabyq kelissózderdiń mazmuny týraly aqparat taraǵannan keıin kópshiliktiń nazaryn aýdardy, dep habarlaıdy Kazinform agenttiginiń menshikti tilshisi.
BAÁ prezıdenti Muhammed ben Zaıd Ál Nahaıan jeksenbi, 27 qyrkúıekte Abý-Dabıde Izraıl premer-mınıstri Bınıamın Netanıahýdy qabyldady.
🚨Haaretz exposé: Israeli Prime Minister Benjamin Netanyahu received an explicit warning from UAE President bin Zayed days before October 7. He didn't brief Israel's security chiefs. @shlomieldar 🔗Link to full exposé in bio Photos: Haim Goldberg/Flash90, Khalil Hamra/AP, Mandel Ngan/AFP. Editing: Masha Tzur
— Haaretz.com (@haaretzcom) September 8, 2026
Bul týraly Ámirlikterdiń WAM aqparat agenttigi dúısenbi kúni keshki ýaqytta habarlady. Osylaısha BAÁ tarapy Netanıahýdyń saparyn alǵash ret resmı túrde rastady.
Agenttiktiń habarlaýynsha, kóshbasshylar eki el arasyndaǵy baılanysty odan ári nyǵaıtý qajet ekenin aıtqan. Izraıl premer-mınıstriniń keńsesi Netanıahýdyń BAÁ prezıdentiniń shaqyrýymen kelgenin málimdedi. Kelissózder barysynda óńirdegi ózekti máseleler de sóz bolǵan.
Netanıahýmen birge Abý-Dabıge Ulttyq qaýipsizdik keńesiniń jáne «Mossad» barlaý qyzmetiniń basshylary, premer-mınıstrdiń áskerı hatshysy men syrtqy saıasat jónindegi keńesshisi de bardy.
The Prime Minister’s Office: Prime Minister Benjamin Netanyahu and his wife visited the United Arab Emirates yesterday at the invitation of the UAE President, Sheikh Mohamed bin Zayed. The visit focused on strengthening relations between the two countries and on regional challenges. The Prime Minister was accompanied by the head of the National Security Council, the head of the Mossad, the military secretary and the foreign policy adviser.
— Prime Minister of Israel (@IsraeliPM) September 28, 2026
Reuters agenttigine suhbat bergen Izraıldiń joǵary laýazymdy úsh sheneýniginiń málimdeýinshe, kelissózderdiń negizgi ózegi Iran máselesi bolǵan.
Netanıahýdyń keńsesi taraptardyń óńirdegi naqty qandaı máselelerdi talqylaǵanyn ashyp aıtpady.
Associated Press agenttigi habardar derekkózge súıenip, sapardyń maqsatyna qatysty ózge málimet usyndy.
Agenttiktiń habarlaýynsha, Netanıahý BAÁ prezıdentinen Izraıldiń Haaretz gazetinde jarııalanǵan aqparatty joqqa shyǵarýdy ótingen. Atalǵan maqalada Ámirlik basshysy 2023 jylǵy 7 qazanǵa deıin HAMAS-tyń aýqymdy shabýyl jasaýy múmkin ekenin Netanıahýǵa aldyn ala eskertkeni aıtylǵan.
Izraıl premer-mınıstriniń keńsesi AP agenttiginiń bul habarlamasyn jalǵan dep atap, kezdesýde tek eki el arasyndaǵy qarym-qatynastar men óńirdegi ózekti máseleler talqylanǵanyn málimdedi.
Eske sala keteıik, 8 qyrkúıekte Izraıldiń Haaretz gazeti jýrnalıstik zertteý jarııalaǵan bolatyn. Onda 2023 jylǵy 7 qazandaǵy HAMAS shabýylynan shamamen 10 kún buryn BAÁ prezıdenti telefon arqyly Netanıahýǵa Gaza sektoryndaǵy HAMAS jetekshisi ıAhıa Sınvar daıyndap jatqan iri operatsııa týraly eskertkeni aıtylǵan.
The Prime Minister’s Office: Prime Minister Benjamin Netanyahu and his wife visited the United Arab Emirates yesterday at the invitation of the UAE President, Sheikh Mohamed bin Zayed. The visit focused on strengthening relations between the two countries and on regional challenges. The Prime Minister was accompanied by the head of the National Security Council, the head of the Mossad, the military secretary and the foreign policy adviser.
— Prime Minister of Israel (@IsraeliPM) September 28, 2026
Gazettiń málimetinshe, premer-mınıstr bul telefon arqyly bolǵan áńgime jaıynda Izraıl armııasynyń basshylyǵyna da, eldiń ishki qaýipsizdik qyzmeti «Shabakqa» da habarlamaǵan.
Jarııalanym Izraıl qoǵamynda qyzý pikirtalas týǵyzdy. Bul jaǵdaı 27 qazanda ótetin Knesset (parlament) saılaýy qarsańynda erekshe talqyǵa tústi.
Netanıahýdyń keńsesi premer-mınıstrge daıyndalyp jatqan shabýyl týraly eskertý jasalǵany jónindegi aqparatty rastaǵan joq. Al Netanıahý mundaı áńgimeniń múlde bolmaǵanyn aıtyp, basylymdy sotqa berýge nıetti ekenin málimdedi. Ol Haaretz gazetiniń bul jarııalanymyn qoldan jasalǵanyn ári saıası astary bar dep baǵalady.
Al Haaretz gazeti 28 qyrkúıekte aty-jónin atamaǵan derekkózderge súıenip, kezdesý barysynda Netanıahý Muhammed ben Zaıdten 2023 jylǵy 7 qazanǵa deıin ekeýiniń telefon arqyly sóıleskeni týraly aqparatty teristeýdi suraǵanyn jazdy. Sondaı-aq ol HAMAS shabýylynyń aldyndaǵy oqıǵalarǵa qatysty, ózine qolaısyzdyq týdyrýy múmkin ózge de málimetterdi jarııa etpeýdi ótingen.
Gazettiń málimetinshe, Izraıl premer-mınıstri Ámirlik basshysynan «moraldyq qoldaý» kórsetýdi de suraǵan.
https://x.com/haaretzcom/status/2104749295190638942?s=20
Izraıl men BAÁ 2020 jyly «Ibrahım kelisimderi» aıasynda dıplomatııalyq qarym-qatynas ornatty.
Bıyl mamyr aıynda Izraıl tarapy Netanıahýdyń BAÁ-ge taǵy bir jabyq saparmen baryp, Muhammed ben Zaıdpen kezdeskenin habarlaǵan edi. Alaıda sol kezde Ámirlik bıligi mundaı kezdesýdiń bolǵanyn rastaǵan joq.
Buǵan deıin Izraıldiń Palestına aýmaǵynda 8 myńnan astam turǵyn úı salýdy josparlap otyrǵany habarlanǵan bolatyn.
Sonymen qatar Izraıl Ramalladaǵy Nıderland dıplomattaryn aıryqsha quqyqtan aıyrǵanyn jazǵan edik.
