BAÁ men Sırııa prezıdentteri ekijaqty baılanysty nyǵaıtý máselesin talqylady

ASTANA.KAZINFORM — Sırııa basshysy eldi qalpyna keltirý jáne ekijaqty yntymaqtastyqty nyǵaıtý máselesinde Ámirlik basshysynyń qoldaýyna ıe boldy, dep habarlaıdy Kazinform tilshisi.

Sırııa prezıdenti Ahmed ash-Sharaa jeksenbi kúni Abý-Dabıge jumys sapary aıasynda Birikken Arab Ámirlikteriniń prezıdenti Muhammed bın Zeıd ál-Nahaııanmen kezdesti. Bul týraly Sırııa basshysynyń keńsesi habarlady.

Ash-Sharaanyń bul sapary onyń BAÁ prezıdenti qyzmetine kiriskennen bergi alǵashqy resmı sapary boldy.

Eki el basshylary ózara qyzyǵýshylyq týdyratyn birqatar máseleni talqylap, aımaqtyq jáne halyqaralyq oqıǵalar týraly pikir almasty, sondaı-aq Sırııadaǵy sońǵy oqıǵalarǵa sholý jasady.

Saparda ash-Sharaamen birge bolǵan Sırııanyń Syrtqy ister mınıstri Asad ash-Shaıbanı delegatsııanyń BAÁ-ge kelgen fotosyn jarııalady.

— Biz eki halyqtyń múddesi úshin baýyrlarymyzben baılanys pen yntymaqtastyqty nyǵaıtýǵa tyrysamyz, — dep jazdy ol X áleýmettik jelisinde.

Ámirlikter prezıdenti BAÁ-niń Sırııany qalpyna keltirý, Sırııanyń birligin, egemendigi men aýmaqtyq tutastyǵyn saqtaý máselesinde qoldaıtynyn bildirdi, dep habarlaıdy WAM aqparat agenttigi.

Ol Sırııanyń turaqtylyǵy men qaýipsizdigi búkil aımaq úshin mańyzdy ekenin atap ótti jáne BAÁ aldaǵy kezeńde Sırııa men onyń halqyna jan-jaqty qoldaý kórsetýge daıyn ekenin qaıtalady.

Sırııa Syrtqy ister mınıstri eki jaqtyń ásirese ınvestıtsııa, áýe qatynasyn qalpyna keltirý jáne barlyq salada ekijaqty qarym-qatynastardy nyǵaıtý salalarynda úlken jetistikke jetkenin aıtty.

Bul ash-Sharaanyń qańtarda qyzmetine kiriskennen beri Parsy shyǵanaǵy elderine jasaǵan ekinshi dıplomatııalyq sapary. Aqpan aıynda Saýd Arabııasyna resmı saparmen bardy.

Sırııanyń jańa basshylyǵy kóterilisshiler toby Haıat Tahrır ash-Sham (HTSh Qazaqstanda tyıym salynǵan uıym — red.) 2024 jyly jeltoqsanda Asad rejımin qulatqannan keıin arab jáne batys jetekshilerimen qarym-qatynasty nyǵaıtýǵa umtyldy.

Ońtústik Koreıa men Sırııa buryn dıplomatııalyq qarym-qatynas ornatqan.

Sırııadaǵy qazaqstandyq bitimgershilik kúshteri Asad qashqan soń BUU qyzmetkerlerin evakýatsııalady. Sırııadan qazaqstandyq bitimgerlerdiń alǵashqy otrıady oraldy.

Ótken aptada Ázerbaıjan prezıdenti Ilham Álıev Sırııany qalpyna keltirýge qatysýǵa daıyn ekenin málimdedi.