BAÁ men Saýd Arabııasy arasynda úılestirý keńesi quryldy
ÁBÝ-DABI. QazAqparat - Saýd Arabııasy men Birikken Arab Ámirlikteri saýd-ámirlik úılestirý keńesin qurý jóninde hattamaǵa qol qoıdy.
Oǵan qol qoıý Jıdda qalasynda (SAK) Eki kıeniń saqtaýshysy Saýda arabııasynyń Koroli Salman men Ábý-Dabı murager hanzadasy jáne BAÁ qarýly kúshteri bas qolbasshysynyń orynbasary sheıh Mohammed ben Zaıed Ál-Nahaıannnyń qatysýymen ótti.
Qurylǵaly otyrǵan qurylym Arab túbegindegi eki strategııalyq áriptester arasynda ekijaqty qatynastardy nyǵaıtýy tıis. Budan buryn Saýd Arabııasynyń koroli Salman ámirlik sheıhy Mohammed ben Zaıedti óziniń saraıynda qabyldady. Kezdesý barysynda eki monarh eki el arasyndaǵy tyǵyz ekijaqty baılanystardy qarady jáne ártúrli salada yntymaqtastyqty odan ári nyǵaıtýǵa járdemdesýge ýaǵdalasty. Olar sondaı-aq aımaqtyq jáne halyqaralyq deńgeılerdegi sońǵy oqıǵalardy talqylady.
SAK-BAÁ úılestirý keńesi týraly qujatqa doktor Nızar Madanı, SAK syrtqy ister mınıstri jáne BAÁ qaýipsizdigi boıynsha Joǵarǵy keńesi bas hatshysynyń orynbasary Álı bın Mohammed, SAK syrtqy ister mınıstri Álı bın Mohammed ál-Shámsı qol qoıdy. Saltanatqa sondaı-aq Saýd Arabııasynyń murager hanzadasy, vıtse-premer jáne ishki ister mınıstri Mohammed bın Naıf, Mekke ámiri jáne Eki kıe saqtaýshysynyń keńesshisi Halıd ál-Feısal, SAK qarjy mınıstri Ibragım ál-Assaf, SAK mádenıet jáne aqparat mınıstri Adel Ál-Týraıfı, sondaı-aq eki taraptan da joǵary shendi basqa da laýazymdy tulǵalar qatysty.
