BAÁ men Kanada syrtqy ister mınıstrleri Iranǵa «5+1» kelissózderine mańyz berýdi arttyrýǵa úndedi
ÁBÝ-DÁBI. 3 sáýir. QazAqparat - Ábý-Dábıde Birikken Arab Ámirliginiń syrtqy ister mınıstri sheıh Abdalla ben Zaıd Al Nahaııan men Kanadanyń syrtqy ister mınıstri Djon Beırdiń kezdesýi ótti, dep habarlady menshikti tilshimiz.
Kezdesý barysynda syrtqy saıasat vedomstvolarynyń basshylary BAÁ men Kanadanyń ózara qyzyǵýshylyǵyn eskere otyryp, strategııalyq áriptestikti nyǵaıtý bolashaǵyn áńgime ózegine aınaldyrdy.
Budan bólek, taraptar Taıaý Shyǵysta turaqtylyqty ustap turý úshin sharalardy qabyldaý qajettigi jaıynda málimdeme jasady. «Biz Taıaý Shyǵystaǵy turaqtylyqqa artyp kele jatqan qaýip týǵyzyp otyrǵan, óńirde óktemdik kúshiniń basym bolýyna baılanysty alańdaýshylyqqa qosylamyz», - delingen málimdemede.
«Biz ıadrolyq qarýdy taratýǵa qarsy kúreste birlese jumys isteýge ázirmiz jáne Iran elin onyń ıadrolyq baǵdarlamasyna baılanysty problemalardy sheshýge úndeımiz. Iran tarapyn halyqaralyq qaýymdastyqpen, atap aıtqanda, Atom energııasy jónindegi halyqaralyq agenttikpen tolyq kólemde yntymaqtasýǵa, sondaı-aq «5+1» úlgisindegi kelissózderge mańyz berýge shaqyramyz»,- dep atap kórsetilgen taratylǵan habarlamada.
Eske salaıyq, 5-6 sáýir kúnderi Almaty qalasynda Irannyń ıadrolyq baǵdarlamasy boıynsha kelissózderdiń kezekti raýndy ótedi. Kelissózder úrdisine BUU-ǵa múshe turaqty bes memleket (Reseı, Qytaı, AQSh, Frantsııa, Ulybrıtanııa), sondaı-aq Iran Islam Respýblıkasynyń jáne EO memleketteriniń ókilderi qatysady.
