BAÁ men Bahreınge kámeletke tolmaǵandardy satqan qazaqstandyq elge jetkizildi
ASTANA. QazAqparat - Birikken Arab Ámirlikteri men Bahreınge kámeletke tolmaǵandardy seksýaldy maqsatta paıdalaný úshin satqan elimizdiń azamaty Dýbaıdan Qazaqstanǵa jetkizildi.
Bul týraly QR ІІM Memlekettik til jáne aqparat departamentiniń dırektory Almas Sadýbaev málim etti, dep habarlaıdy QazAqparat.
«Aǵymdaǵy jyldyń 13 qarashasynda QR Qylmystyq kodeksiniń 128 baby 3 tarmaǵy (Adamdardy satý) jáne 135 baby 3 tarmaǵynda (kámelettik jasqa tolmaǵandardy satý) kózdelgen qylmystardy jasaǵany úshin Interpol arnalary arqyly izdeýde bolǵan qazaqstandyqty QR ІІM Interpol ulttyq ortalyq bıýrosy men Bas prokýratýrasy Birikken Arab Ámirlikterinen ekstradıtsııalady. Ol seksýaldy maqsatta paıdalaný úshin BAÁ men Bahreınge elimizdiń kámelettik jasqa tolmaǵandardy zańsyz satýdy uıymdastyrǵan», - dedi ol.
Almas Sadýbaevtyń aıtýynsha, ótken jyldyń 21 qyrkúıeginde qazaqstandyq Interpoldyń suraýy boıynsha Dýbaı qalasynda ustalǵan.
«Qazirgi ýaqytta ol qamaýǵa alyndy», - dedi departament basshysy.
