BAÁ men AQSh daǵdarys jaǵdaıyndaǵy qarjylyq qoldaý máselesin talqylady — WSJ
ASTANA.KAZINFORM - BAÁ sheneýnikteri dollarlyq ótimdilik jetispese, qytaı ıýanin nemese basqa valıýtalardy paıdalanýǵa májbúr bolatynyn eskertti, dep habarlaıdy The Wall Street Journal.
Birikken Arab Ámirlikteri Iranǵa qatysty jaǵdaıǵa baılanysty eldegi daǵdarys tereńdegen jaǵdaıda AQSh-pen qarjylyq qoldaý alý týraly kelissózder bastady.
The Wall Street Journal basylymynyń habarlaýynsha, BAÁ Ortalyq bankiniń basshysy Haled Mohamed ótken aptada Vashıngtonda AQSh Qazynashylyq hatshysy Skott Bessentpen, sondaı-aq Qazynashylyq departamenti men Federaldy rezerv ókilderimen kezdesý barysynda valıýta aıyrbastaý jelisin qurý múmkindigin talqylady.
Basylym BAÁ qaqtyǵystan týyndaıtyn aýyr qarjylyq saldarlardan ázirge qutylǵanyn atap ótedi. Degenmen, Abý-Dabıge qosymsha qarjylyq qoldaý qajet bolýy múmkin.
Qaqtyǵys Ámirlikterdiń munaı-gaz ınfraqurylymyna zııan keltirdi jáne eldi dollar kirisiniń negizgi kózi Ormýz buǵazy arqyly munaı eksporttaý múmkindiginen aıyrdy. Sonymen qatar, Ámirlik sheneýnikteri AQSh ókilderine dollarlyq ótimdilik tapshylyǵy jaǵdaıynda BAÁ munaı satý jáne basqa da mámileler úshin qytaı ıýanin nemese basqa valıýtalardy paıdalanýǵa májbúr bolýy múmkin ekenin habarlady.
Buǵan deıin Irannyń AQSh-pen kelissózderdiń ekinshi kezeńine qatysýdan bas tartyp, Ormýz buǵazyn taǵy da jaýyp jatqany habarlanǵan bolatyn.
