BAÁ Marsty zertteýge kiristi

ÁBÝ-DABI. QazAqparat - Birikken Arab Ámirligi arab elderiniń arasynda 2021 jylǵa qaraı Marsqa ushqyshsyz zond ushyrý boıynsha birinshi bolyp ǵarysh jobasyn iske qosatyndary týraly jarııalady.

Qurylǵan BAÁ aeroǵaryshtyq agenttigi men «Ozyq ǵylym men tehnologııalardyń Emırat ınstıtýty» dúısenbi kúni seriktestik týraly kelisimge qol qoıdy. Ol marsty zertteý boıynsha jeti jyldyq jobany qarastyryp otyr.

Emırattyq ushqyshsyz keme 2021 jyly jekelegen planetaǵa jetip, topyraq alý jáne basqa da tájirıbelerdi júrgizýi tıis. Ǵalymdar ushý apparatynyń Marsqa joly 92 mıllıon shaqyrym bolatynyn eseptegen.

Ǵaryshtyq maqsattaryn júzege asyrý úshin Ámirlik bes mıllıardtan astam AQSh dollaryn jumsaýdy josparlap otyr. Osylaısha, BAÁ Qyzyl planetany zertteýdiń ǵaryshtyq baǵdarlamasy bar álemdegi toǵyzynshy elge aınalady.