BAÁ Qazaqstandaǵy jaǵdaıdy turaqtandyrý úshin qabyldanǵan sharalardy qoldaıdy

NUR-SULTAN. QazAqparat - Ámirlik tarapynyń bastamasy boıynsha Qazaqstan Respýblıkasy Premer-Mınıstri orynbasary – Syrtqy ister mınıstriniń m.a. Muhtar Tileýberdi Birikken Arab Ámirlikteri Premer-Mınıstriniń orynbasary – Prezıdent isteri jónindegi mınıstri sheıh Mansýr ben Zaıd Ál Nahaıanmen telefon arqyly sóılesti. Bul týraly QazAqparat SІM silteme jasap habarlaıdy.

Suhbat barysynda BAÁ Mınıstri ámirlikterdiń basshylyǵy men halqy atynan Qazaqstandaǵy jaǵdaıdy turaqtandyrý úshin qabyldanǵan sharalardy qoldaıtynyn jetkizdi.

M.Tileýberdi Qazaqstan basshylyǵynyń halyqtyń qaýipsizdigin qamtamasyz etý jáne qalypty tirshilik áreketin qalpyna keltirý jónindegi sharalary týraly habardar etti. Taraptar joǵary deńgeıdegi saıası dıalog pen tyǵyz baılanystardy qoldaýǵa kelisti.