BAÁ Irandy Ormýz buǵazyndaǵy eki munaı tankerine shabýyl jasady dep aıyptady
ASTANA. KAZINFORM — Birikken Arab Ámirlikteri Irandy Ormýz buǵazynda eki munaı tankerine zymyranmen soqqy jasady dep aıyptady, dep habarlaıdy Kazinform agenttiginiń menshikti tilshisi.
BAÁ Qorǵanys mınıstrliginiń málimetinshe, emırattyq Mombasa jáne Al Bahyah munaı tankerleri Ormýz buǵazynyń ońtústik keme qatynasy baǵytymen Omannyń aýmaqtyq sýlary arqyly ótip bara jatqan kezde Irannyń eki qanatty zymyranymen atqylanǵan.
Shabýyl saldarynan Úndistannyń bir azamaty qaza taýyp, ekıpajdyń taǵy segiz múshesi jaraqat alǵan. Onyń tórteýiniń jaǵdaıy aýyr.
The Ministry of Defence announces that the national tankers Mombasa and Al Bahiyah were targeted by two Iranian cruise missiles while transiting the southern shipping lane of the Strait of Hormuz, within Omani territorial waters.
— وزارة الدفاع |MOD UAE (@modgovae) July 13, 2026
The attack resulted in the death of one Indian… pic.twitter.com/i1HrXY0fKP
Vedomstvonyń habarlaýynsha, soqqydan keıin eki tankerde de órt shyqqan. Alaıda órt sóndirilgenimen, kemelerge eleýli materıaldyq zalal keltirilgen.
BAÁ Qorǵanys mınıstrligi bul oqıǵany halyqaralyq quqyqty óreskel buzý jáne óńirdiń qaýipsizdigi men turaqtylyǵyna tóngen qater dep baǵalap, el ulttyq múddesin qorǵaý úshin jaýap qaıtarýǵa jáne qajetti sharalar qabyldaýǵa quqyly ekenin málimdedi.
Keıin Irannyń Islam revolıýtsııasy saqshylar korpýsy (KSIR) Ormýz buǵazynda «erejeni buzǵan» eki sýpertankerge soqqy jasalǵanyn habarlady.
The Islamic Revolution Guards Corps said its naval forces have struck and disabled two supertankers after they ignored repeated warnings and attempted to transit the Strait of Hormuz through a mined route under US encouragement.https://t.co/rBVgDf36j2 pic.twitter.com/wQHl8ntbTR
— Tasnim News Agency (@Tasnimnews_EN) July 14, 2026
KSIR málimdemesinde atalǵan kemeler birneshe márte jasalǵan eskertýlerdi elemegeni, navıgatsııalyq júıelerin óshirgeni jáne mınalanǵan baǵytpen júrýge árekettengeni aıtylǵan. Alaıda vedomstvo kemelerdiń ataýyn naqtylamady jáne olardyń BAÁ málimdegen tankerler ekenine túsinikteme bergen joq.
Ulybrıtanııanyń Teńiz saýda operatsııalary basqarmasy (UKMTO) da Ormýz buǵazy mańyndaǵy tankerlerge jasalǵan shabýyl týraly eki eskertý jarııalady.
UKMTO WARNING 087-26 - ATTACK
— UKMTO Operations Centre (@UK_MTO) July 14, 2026
Click here to view the full warning ⤵️ https://t.co/K9ry6dSGTe#MaritimeSecurity #MarSec pic.twitter.com/KyMMsk7AqZ
Habarlamada tankerlerdiń Omannyń Lımah qalasynan ońtústik-shyǵysqa qaraı 13 teńiz mıli qashyqtyqta, ońtústik baǵytpen qozǵalyp kele jatqanda zymyran soqqysyna ushyraǵany aıtylǵan. Vedomstvo tergeý jalǵasyp jatqanyn málimdep, osy aımaqtaǵy barlyq kemelerdi barynsha saq bolýǵa shaqyrdy.
Eske salaıyq, buǵan deıin AQSh prezıdenti Donald Tramp Iranǵa teńiz blokadasy jarııalanǵanyn málimdep, barlyq kemelerden buǵaz arqyly ótkeni úshin 20 paıyzdyq alym tóleýdi talap etken bolatyn.
Sondaı-aq ol AQSh-tyń Iranmen qaıtadan soǵys jaǵdaıynda ekenin Kongreske resmı túrde habarlaǵan.
Aıta ketelik Tramp ózine Iran qastandyq jasasa, tutas eldi joıyp jiberetinin málimdegen edi.
