BAÁ ınvestorlaryna quny 5,2 mlrd dollar bolatyn jobalar usynyldy
Delegatsııa quramyna Ulttyq ekonomıka Vıtse-mınıstri M.ıÝsýpov, Aýyl sharýashylyǵy Vıtse-mınıstri N. Daıyrbekov, «Astana» halyqaralyq qarjy ortalyǵy men «KAZAKH INVEST» UK AQ ókilderi kirdi.
Sapar aıasynda BAÁ-niń energetıka jáne ınfraqurylym mınıstri Sýheıl Ál-Mazrýımen, Abý Dabı Ámirliginiń Saýda-Ónerkásip palatasynyń basshylyǵymen, «Mubadala», «ADQ», «AbuDhabiInvestmentAuthority», Abý Dabı baǵaly qaǵazdar bırjasy jáne «AbuDhabiGlobalMarket» halyqaralyq qarjylyq erkin aımaǵy sııaqty BAÁ iri ınvestıtsııalyq qorlary men qarjy uıymdarynyń birinshi tulǵalarymen jeke ekijaqty kezdesýler ótti.
Sapar QR Premer-mınıstri A. Mamınniń kelesi jyldyń qazan aıynda BAÁ-ne jumys sapary barysynda qol qoıylǵan QR úkimetteri men BAÁ ınvestıtsııalyq yntymaqtastyq jónindegi memorandýmdy iske asyrý sheńberinde uıymdastyryldy.
Joǵaryda atalǵan ınvestıtsııalyq jáne qarjy uıymdarymen kelissózder barysynda elde júrgizilip jatqan reformalar, atap aıtqanda, zańnamalyq sharttardyń turaqtylyǵyn jáne preferentsııalardyń keń paketin berýdi kózdeıtin strategııalyq ınvestıtsııalyq kelisim sheńberinde iri ınvestıtsııalyq jobalardy qoldaýdyń jańa quraldary usynyldy.
Kelissózder barysynda taraptar ekonomıkanyń negizgi sektorlarynda qosylǵan quny joǵary jáne eksporttyq áleýeti joǵary jańa óndirister qurýdy kózdeıtin, somasy 5 mıllıard AQSh dollarynan asatyn ınvestıtsııalyq jobalardy iske asyrý perspektıvalaryn qarastyrdy.
Osylaısha, kelissózder barysynda arab ınvestorlaryna shamamen 1,5 mıllıard AQSh dollary somasyna AÓK salasyndaǵy jobalar usynyldy.
Usynylǵan jobalar BAÁ-niń 2051 jylǵa deıingi azyq-túlik qaýipsizdiginiń qabyldanǵan strategııasy sheńberinde negizgi azyq-túlik taýarlary tobyna engizilgen joǵary sapaly ónim óndirýge baǵyttalǵanyn atap ótken jón. Jobalardy birlesip iske asyrý Qazaqstanǵa BAÁ júzege asyryp jatqan azyq-túlik qaýipsizdigi strategııasynyń mańyzdy býynyna aınalýǵa múmkindik beredi jáne eki el arasyndaǵy taýar aınalymyn odan ári arttyrýǵa yqpal etetin bolady.
Sonymen qatar, birlesken jobalardy iske asyrýdyń, Ámirlikter tarapynyń qazaqstandyq naryqta qatysýyn keńeıtýdiń neǵurlym perspektıvaly baǵyttary aıqyndaldy jáne taý-ken óndirý, munaı-gaz hımııasy, agroónerkásiptik jáne farmatsevtıkalyq salalardaǵy ózara is-qımyldy damytý jónindegi odan arǵy qadamdar týraly pikir almasyldy.
Qazaqstandyq delegatsııanyń jumys sapary qazaqstandyq ekonomıkanyń basym salalaryna sheteldik ınvestıtsııalardy tartý jáne qazaqstandyq taýarlardyń eksportyn sheteldik naryqtarǵa jyljytý jónindegi mindetter aıasynda ótti. Jalpy, Ámirlikter bıznesi bizdiń elmen saýda-ekonomıkalyq jáne ınvestıtsııalyq ózara is-qımyldy tereńdetýge óziniń daıyndyǵy men múddeliligin kórsetip otyrǵanyn atap ótken jón.
