BAÁ ınvestory Jambyl oblysynda 500 MVt-tyq eki jel elektr parkin salmaqshy

ASTANA. KAZINFORM — Májilis «Qazaqstan Úkimeti men Birikken Arab Ámirlikteriniń Úkimeti arasyndaǵy jel elektr stantsııasynyń jobasyn iske asyrý týraly kelisimdi ratıfıkatsııalaý týraly» zańdy qabyldady.

Qujatty Energetık amınıstri Erlan Aqkenjenov tanystyrdy. 

Atalǵan kelisim Qazaqstan aýmaǵynda eki iri jel parkin salýǵa arnalǵan. Investıtsııanyń jalpy kólemi — 1,4 mlrd teńge.

Eki joba da Jambyl oblysynda (Sarysý, Talas aýdandary) qolǵa alynady. Birinshi joba aıasynda energetıkalyq qýaty 500 MVt bolatyn jel parki salynbaq. Ol úshin qýaty 150 MVt, al syıymdylyǵy saǵatyna 300 MVt bolatyn akkýmýlıator batareıalarynan quralǵan (BESS) energııa saqtaý júıesi ornatylady. Sondaı-aq, uzyndyǵy 125 shaqyrymǵa jetetin, kerneýi 220 kV bolatyn aspaly elektr jelisi tartylady.

Ekinshi iri joba aıasynda energetıkalyq qýaty 500 MVt bolatyn jel parki men qýaty 150 MVt, syıymdylyǵy saǵatyna 300 MVt bolatyn energııa saqtaý júıesi boı kóteredi. 

Mınıstrdiń sózinshe, joba iske assa, óńirdegi qorshaǵan ortaǵa tastalatyn kómirteginiń kólemi 2 mln tonnaǵa azaıady.

Depýtat Maqsat Tolyqbaı jel elektr parkterinen alynatyn qýattyń tarıfi dollarmen bekitilýine narazylyq bildirdi.

Erlan Aqkenjenov tarıf qujatta dollarmen esepteletinin rastap, biraq onyń tutynýshylarǵa keri áseri bolmaıtynyn, 25 jyl boıy jergilikti tarıfterden aıyrmashylyǵy 1-2 teńgeden aspaıtyny, valıýtanyń qubylýyna baılanysty ındekstelmeıtini naqty jazylǵanyn málim etti. 

Sondaı-aq, Birikken Arab Ámirlikterine tıesili taǵy bir kompanııa Qonaevta qant zaýytyn salmaqshy.