BAÁ-inde týrısterdi tegin vaktsınalaý bastaldy
ÁBÝ-DABI. QazAqparat – Birikken Arab Ámirlikterinde (BAÁ) týrısterdi koronavırýstan tegin vaktsınalaý bastaldy, dep habarlaıdy QazAqparat Reuters aqparat agenttigine silteme jasap.
Ámirlikter astanasy Ábý-Dabıge kelip jatqan týrısterge koronavırýsqa qarsy Sinopharm jáne Pfizer-BioNTech preparattaryn tegin sala bastady. Buǵan deıin bul vaktsınalar tek BAÁ azamattary men elde turýǵa yqtııarhaty bar adamdar úshin ǵana qoljetimdi bolǵan.
Abu Dhabi Health Services Company (SEHA) kompanııasynyń málimetinshe, COVID-19 vırýsyna qarsy tegin vaktsına alýǵa Ábý-Dabı qalasynan vızalar berilgen týrıster men týrıstik vızany alýǵa ruqsaty bar tólqujat ıeleriniń quqyly.
Ámirlikterde turýǵa quqyǵy bar qujat nemese merzimi ótip ketken kóshpeli vızalardyń ıeleri de Ábý-Dabıde tegin vaktsına saldyrta alady.
Bul rette bul ózgeristiń Dýbaı qalasy men BAÁ-niń basqa bes ámirlikterinde engizilý ne engizilmeýi naqtylanbaı otyr.
Qazirgi kezde Ábý-Dabı qalasyna kirýge shekteý qoıylǵan.
