BAÁ-inde kitap oqý jyly jarııalandy
ASTANA. QazAqparat - Birikken Arab Ámirligi 2016 jyldy kitap oqý jyly dep jarııalady. Bul ámirliktiń tolerantty qoǵam qalyptastyryp, bolashaq jas býyndy ilimdi, oıshyl, zertteýshi jáne jańashyl bolyp ósýin kózdegen memlekettik strategııa aıasynda qolǵa alynǵan iri joba.
«Kitap oqý aqyl-oıdy damytady, tózimdilikke tárbıeleıdi. Erkin jáne jan-jaqty oılaıtyn bilimdi tulǵa qalyptastyrady. Bul - dindi qurmetsizdik pen ekstremızmge ulastyrmaıtyn óte tıimdi ádis», - dedi BAÁ ámiri, sheıh Halıfa ben Zaed ál-Nahaııan. Al mamandardyń pikirinshe, ámirliktiń turaqty damýy, memlekettiń ekonomıkasy men bilim salasy shetelden alynatyn ımportqa emes, el ishinde óz ǵalymdary men bilimdi urpaqty tárbıeleýmen tyǵyz baılanysty, dep habarlanǵan «Nur Astana» meshitiniń saıtynda.
