BAÁ-inde qasıetti Ramazan aıynda tegin as taratylady
ASTANA. QazAqparat - Birikken Arab Ámirliginiń koroli Halıf ben Zaed ál-Nahaıan atyndaǵy qaıyrymdylyq uıymy qasıetti Ramazan aıynda 2 mln. adamǵa tegin tamaq taratatyn bolady.
Bul úshin sol kezde el aýmaǵynda 105 tamaqtaný ortalyqtary jumys isteıdi. Ortalyqtyń esigi aqsham namazynan soń aıqara ashylyp, kez kelgen jan qalaýynsha tamaqtana alatyn bolady. Sondaı-aq as arnaıy dorbaǵa salynǵan kúıi shet elderge de jóneltilmek.
El koroli sheıh Halıf atyndaǵy qaıyrymdylyq uıymynyń bul ıgi sharasy osymen segizinshi jyl ótkizilip keledi. «Bul sharany ótkizý úshin biz el turǵyndary men meıramhanalardyń, ashanalar jelisiniń kómegine súıenemiz», - deıdi uıymnyń bas dırektory Mýhammad Hadjı ál-Hýrı. Qasıetti Ramazan aıynda BAÁ-inde mundaı qaıyrymdylyq aktsııalary jıi uıymdastyrylady. Tegin tamaqtandyrý, qaıyrymdylyq sharalaryn qarjylandyrý, azyq-túlik pen basqa ónimderdiń arzandaýy bul aıda tipten kóbeıe túsedi, dep habarlaıdy muslim.kz.
