BAÁ-inde qasıetti Ramazan aıynda azyq-túlik baǵasyn qymbattatýǵa tyıym salyndy
ASTANA. QazAqparat - BAÁ bıligi musylmandar úshin qasıetti Ramazan aıynda azyq-túlik ónimderine baǵany ustap turmaq, dep jazady ámirliktegi The National basylymy.
Osylaısha, 3500 túrli ónimniń baǵasyn kóterýge tyıym salynady. BAE-niń ekonomıka mınıstrligi Ramazan aıy ýaqytynda suranys arta túsetin kúrish, un, sút, maı jáne basqa da azyq-túlik ónimderin óndirýshilermen kezdesý ótkizip, olardyń qory jetkilikti ekendigine kóz jetkizdi.
Saýda núktelerinde ónimder baǵasy tekserilip otyratyn bolady. Sonymen qatar asa qajet 4700 túrli taýarǵa 70 paıyzǵa deıin jeńildikter qarastyrylmaq.
Ádette Ramazan aıynda BAÁ-inde iri qaıyrymdylyq sharalar ótedi, onda tegin tamaqtandyrýlar uıymdastyrylyp, negizgi tutynylatyn taýarlardyń quny tómendetiledi.
