BAÁ: Halyqaralyq týrnırde qyzylordalyq sportshylar joǵary nátıje kórsetti
QYZYLORDA. QazAqparat - Shardj qalasynda (BAÁ) múmkindigi shekteýli sportshylar arasynda jeńil atletıkadan ótken halyqaralyq lıtsenzııalyq týrnırde jerlesterimiz joǵary nátıjelerge qol jetkizdi, dep habarlady QazAqparat HAA tilshisi oblystyq dene shynyqtyrý jáne sport basqarmasyna silteme jasap.
Atap aıtsaq, Islam Salımov 100 m. júgirýde ekinshi oryndy ıelenip, Qazaqstannyń jáne óz rekordyn jańartty. Sondaı-aq, ol 200, 400 m. qashyqtyqqa júgirýden kúmis júldeni enshilese, uzyndyqqa sekirýden birinshi oryndy jeńip aldy. Elaman Jolaman naıza laqtyrýdan jeńimpaz atandy. Qolǵanat Baqbergen naıza laqtyrýdan júldeli 2-orynǵa ıe bolyp, óz nátıjesin jańartty.
Islam men Elaman shilde aıynda Londonda ótetin Álem chempıonatyna qatysýǵa múmkindik aldy. Al Qolǵanattyń aldynda áli irikteý syndary bar.
Jalpy jarysqa 18 memlekettiń sportshylary qatysty.
Oblystyq joǵary sport sheberligi mektebinde tálim alatyn sportshylardy jarysqa QR eńbek sińirgen jattyqtyrýshysy ıÝrıı Moşeev daıyndady.
