BAÁ-ge ushatyn áýe kompanııalary úshin arnaıy shekteý engizildi
ASTANA. KAZINFORM – Birikken Arab Ámirlikteriniń avıatsııalyq bıligi sheteldik áýe kompanııalaryn elge ushý kezinde týyndaýy múmkin operatsııalyq táýekelder týraly qaıtadan eskertý jasady, dep habarlaıdy TASS agenttigi.
– Óńirdegi qazirgi jaǵdaıǵa baılanysty BAÁ áýejaılaryna ushýdy nemese olardan ushyp shyǵý reısterin oryndaýdy josparlaǵan barlyq sheteldik tasymaldaýshylar baǵalanýy tıis operatsııalyq táýekelderge tap bolady, – dep málimdedi TASS agenttigine Taıaý Shyǵystaǵy áýe qozǵalysyn basqarý qyzmetterindegi derekkóz.
Onyń aıtýynsha, reısterdi oryndaý úshin áýe kompanııalary yqtımal operatsııalyq táýekelderdi baǵalap, eldiń avıatsııalyq bıligine tıisti ótinish joldap, qajetti ruqsatty kútýge tıis.
Derekkózdiń atap ótýinshe, bul tártip repatrıatsııalyq reısterge, sondaı-aq sanıtarlyq jáne memlekettik avıatsııa ushýlaryna qoldanylmaıdy.
Osyndaı talap buǵan deıin AQSh pen Izraıldiń Iranǵa qarsy áskerı operatsııasy kezinde de engizilgen.
Eskertý shamamen 5 shildege deıin kúshinde bolady.
Aıta keteıik, Taıaý Shyǵystaǵy jaǵdaıǵa baılanysty toqtaǵan BAÁ baǵytyndaǵy reıster qaıta iske qosylady.
