BAÁ Gazadan 100-ge jýyq jaraly adam men aýyr naýqasty evakýatsııalady

ASTANA. KAZINFORM – Birikken Arab Ámirlikteri Gaza sektorynyń 97 jaraly jáne aýyr naýqasqa shaldyqqan turǵynyn jáne olardyń 155 otbasy múshesin óz aýmaǵyna kóshirdi. Bul týraly WAM aqparat agenttigi habarlady.

Anklavtyń evakýatsııalanǵan turǵyndary, onyń ishinde onkologııalyq naýqastarǵa eldegi mamandandyrylǵan ortalyqtarda medıtsınalyq kómek kórsetiletini atap ótildi. Evakýatsııalanǵandar Ámirlik bıliginiń kómegimen Kerem Shalom baqylaý-ótkizý pýnkti arqyly ótkizilgen jáne Izraıldiń ońtústigindegi Ramon áýejaıynan Abý-Dabıge qaraı bet aldy.

Anyqtama úshin, soǵys bastalǵannan beri BAÁ Palestınadan 1665 naýqas pen olardyń otbasy múshelerin evakýatsııalaǵan. Keshe 11 qyrkúıekti evakýatsııany qosqanda olardyń jalpy sany 1917 adamǵa jetti.

Aıta keteıik, Izraıldiń Gaza sektoryndaǵy mektepke jasaǵan soqqysynan 18 adam, onyń ishinde 6 BUU qyzmetkeri qaza tapty.