BAÁ el táýelsizdiginiń 45 jyldyǵyn atap ótýde

Osyǵan oraı, elde resmı demalys jarııalandy, dep habarlaıdy QazAqparat tilshisi.

1971 jyly 1 jeltoqsanda «Kelisimshartty Omannyń» jeti ámirliginiń altaýy Birikken Arab Ámirlikteri ataýymen federatsııanyń qurylǵandyǵy týraly jarııa etti. Jetinshi ámirlik - Ras-el-Haıma 1972 jyly qosyldy.

Ámirlikterge táýelsizdiktiń berilýi munaı men munaı ónimderi baǵasynyń kúrt ósýimen tuspa-tus keldi jáne osynyń arqasynda jańa memleket ekonomıka men ishki saıasat salasyndaǵy qadamyn nyǵaıtty. Munaıdan túsken tabystar men qarajatty ónerkásiptiń, aýyl sharýashylyǵynyń, bilimniń damýyna aqylmen salǵan BAÁ az ǵana ýaqytta ekonomıkalyq tabystarǵa qol jetkizdi. Týrızm men qarjy salasy da aıtarlyqtaı damydy.

Óziniń halyqqa joldaýynda BAÁ prezıdenti sheıh Zaıed Al Nahaııan eldiń 2021 jylǵa deıingi damý strategııasyn júzege asyrýda «senimdi qaryshtaý» baryn atap ótti.

«Eldegi ádildikti, qaýipsizdikti, ekonomıkany, qorshaǵan ortany, ómir súrý sapasyn, turǵyn úı men bilimdi, sondaı-aq densaýlyq saqtaý jáne ınfraqurylymdy jaqsartý úshin túrli salalarda oń ózgeristerge qol jetkizildi», - dedi sheıh Halıfa.