BAÁ dron shabýylynan «Baraka» atom elektr stantsııasy mańynda órt shyqqanyn habarlady
ASTANA. KAZINFORM - BAÁ bıligi dronnyń «Baraka» atom elektr stantsııasynyń ishki perımetrinen tys jerdegi elektr generatoryna soqqy jasaǵanyn málimdedi, dep habarlaıdy BBC.
BAÁ bıligi radıatsııalyq qaýipsizdik baqylaýda, stantsııanyń jumysy saqtaldy jáne eshkim zardap shekken joq dep sendirdi.
Birikken Arab Ámirlikteri jaýapkershilikti naqty bir elge júktemedi. Biraq oqıǵa Tegeran men Vashıngton arasyndaǵy soǵysty toqtatý sharttary boıynsha kelissózderdiń toqtap qalýy kezinde bolǵanyn atap ótti.
BAÁ buǵan deıin Irandy energetıkalyq ınfraqurylymǵa shabýyl jasady dep aıyptap, bul aımaqtaǵy qaqtyǵystyń qaýipti túrde ýshyǵýyna ákelýi múmkin dep eskertken bolatyn.
Halyqaralyq atom energııasy agenttigi (MAGATE) jaǵdaıdy muqııat baqylap otyrǵanyn málimdedi.
AQSh-Izraıldiń Iranǵa qarsy soǵysy bastalǵannan beri Tegeran BAÁ-ni qosa alǵanda, amerıkandyq áskerı bazalardy ornalastyrǵan Parsy shyǵanaǵy elderine birneshe ret shabýyl jasady.
AQSh prezıdenti Donald Tramp mamyr aıynyń basynda Ormýz buǵazyn ashý úshin «Bostandyq jobasy» operatsııasynyń bastalǵanyn jarııalaǵannan keıin (operatsııa keıinirek toqtatyldy), Ábý-Dabıdiń málimeti boıynsha, Irannyń BAÁ-ge shabýyldarynyń qarqyny taǵy da artty.
BAÁ Ormýz buǵazyn aınalyp ótetin munaı qubyrynyń qurylysyn jedeldetetinin jazǵan edik.
