BAÁ-degi elshiliktiń keńesshisi áıelin urǵany úshin 15 táýlikke qamaldy
ASTANA. KAZINFORM – Astana qalasynyń ákimshilik quqyq buzýshylyqtar jónindegi mamandandyrylǵan aýdanaralyq soty BAÁ-degi elshiliktiń keńesshisi M.-ǵa qatysty densaýlyqqa qasaqana jeńil zııan keltirý faktisi boıynsha isti qarady (ÁQBtK-niń 73-1-baby).
Astana qalalyq soty baspasóz qyzmetiniń habarlaýynsha, istiń mán-jaılary boıynsha M. janjal barysynda jubaıyna qatysty kúsh qoldanǵan.
Іsti sot M. ákimshilik jaýapkershilikke tartylǵan ÁQBtK sanktsııasy sheńberinde qarady.
Sot otyrysy barysynda M. jáne onyń advokaty ákimshilik quqyq buzýshylyq týraly hattamamen kelispeı, onyń kinási is materıaldarymen dáleldenbegenin kórsetti, sondaı-aq quqyq buzýshylyq jasalǵan oryn QR ıýrısdıktsııasyna jatpaıtynyn, odan bólek M.-nyń áreketteri qylmystyq sot isin júrgizý sheńberinde jeke tergeý júrgizilip jatqan óziniń jáne onyń jubaıynyń arasyndaǵy otbasylyq-turmystyq is-áreketterge jatatynyn kórsetti.
ÁQBtK-niń 73-1-babynyń sanktsııasy eskertý túrindegi jazany nemese 15 táýlikke ákimshilik qamaqqa alýdy kózdeıdi.
Sot qaýlysymen M. ÁQBtK-niń 73-1-baby boıynsha quqyq buzýshylyq jasaǵany úshin kináli dep tanylyp, 15 táýlik merzimge ákimshilik qamaýǵa alyndy.
