BAÁ-de jer silkindi, turǵyndar qaýipsiz jerge kóshirildi
ÁBÝ-DABI. QazAqparat - Búgin tańerteń Iran aýmaǵynda oryn alǵan jer silkinisi Dýbaı men BAÁ soltústik ámirliktegi qalalarda sezildi, dep habarlaıdy sheteldegi tilshimiz Rahymbekov Arnýr.
BAÁ ulttyq seısmologııalyq ortalyǵynyń habarlaýynsha, tańerteń saǵat 9.44 Keshm qalasynyń mańynda (Irannyń ońtústigindegi Hormozham provıntsııasy) jer silkinisi boldy. Onyń kúshi Rıhter shkalasy boıynsha 5.1 baldy qurady.
4.0 ball deńgeıindegi jer silkinisi Dýmaı men eldiń soltústik ámirliginiń ózge qalalarynda sezildi. Dýbaıda qaýipsizdik maqsatynda «Daýntaýn Dýbaı», «Dýbaı medıa sıtı», «Dýbaı Marına» jáne t.b aýdandardaǵy záýlim ǵımarattardan adamdar qaýipsiz jerge shyǵaryldy. Shardja ámirliginiń málimetinshe, zilzaladan japa shekkender týraly habar túsken joq.
