BAÁ-de jasandy ıntellekt kúmándi kemelerdi anyqtaýǵa kómektesedi
ASTANA. KAZINFORM — Birikken Arab Ámirlikteriniń AIQ kompanııasy men amerıkalyq Quartermaster kompanııasy teńiz ınfraqurylymyn qorǵaýǵa arnalǵan jasandy ıntellekt sheshimderin birlesip ázirleýge kelisti, dep habarlaıdy WAM.
Kelisimge ADIPEC 2026 kórmesi aıasynda qol qoıyldy. Jańa tehnologııalar kúmándi kemelerdi anyqtaý, tótenshe jaǵdaılardyń aldyn alý, sondaı-aq teńizdegi munaı platformalary men qubyrlardy qorǵaý maqsatynda qoldanylady.
Yntymaqtastyqtyń negizgi quraly — SmartMast júıesi. Ol spýtnıktik sýretter men navıgatsııalyq derekterdi paıdalanbaı-aq, kemelerdi naqty ýaqyt rejıminde tanı alady.
Qazirgi ýaqytta bul júıe 25 eldegi 650-den astam kemege ornatylǵan. Osy ýaqytqa deıin úsh mıllıonnan astam keme anyqtaý deregin tirkegen.
Alǵashqy kezeńde kompanııalar BAÁ aýmaǵyndaǵy jobalarǵa basymdyq beredi. Keıin yntymaqtastyqty Parsy shyǵanaǵyndaǵy basqa elderge jáne halyqaralyq naryqqa keńeıtý josparlanyp otyr.
Aıta keteıik, qazaqstandyq stýdentter egin ónimdiligin boljaıtyn jasandy ıntellekt platformasyn ázirledi.
