BAÁ-de jańa tıptegi pnevmonııaǵa shaldyqqan bir adam anyqtaldy
NUR-SULTAN. WAM-QazAqparat – Birikken Arab Ámirlikteriniń (BAÁ) bıligi el aýmaǵynda 2019-nCoV koronavırýsy saldarynan jańa tıptegi pnevmonııa juqtyrý oqıǵasyn rastady. Bul týraly sársenbi kúni WAM Ámirlik aqparat agenttigi habarlady.
Agenttik málimetinshe, BAÁ Densaýlyq saqtaý jáne profılaktıka mınıstrligi indet juqtyrǵan naýqastyń jaǵdaıyn turaqty dep baǵalady.
Qytaı bıligi osy koronavırýstyń órshýi saldarynan týyndaıtyn pnevmonııany 2019 jyly jeltoqsan aıynyń sońynda Ýhanda tirkegen. Onda 11 mln astam adam turady. Sársenbi kúni QHR-da aýrý juqtyrǵandar sany 6 myń adamdy qurady, 130 adam kóz jumdy. Jańa vırýs kóptegen elderde anyqtaldy. Dúnıejúzilik densaýlyq saqtaý uıymy bul aýrýdyń órshýin Qytaı úshin tótenshe jaǵdaı dep tanyp, elge qosymsha mamandar jiberdi.
