BAÁ-de jaǵajaı demalýshylaryna arnalǵan kitaphana ashyldy
ASTANA. QazAqparat - BAÁ bıligi jaǵajaıda demalý adamdy rýhanı damytpaıdy dep sheship, bul olqylyqtyń ornyn toltyrý úshin Parsy shyǵanaǵy jaǵalaýynda kitaphana ashýdy qolǵa alǵan. ITAR-TASS-tyń habarlaýynsha, Ábý-Dabıde jaǵajaısúıer qaýymǵa arnalǵan alǵashqy kitaphana esigin ashty.
«Saýalnamaǵa qatysqandardyń 90 paıyzyna jýyǵy bul bastamany qoldap otyr. Buryn kitaphananyń ornynda dúken turǵan. Ondaı dúkenderdiń bizdiń elimizde myńy bar. Budan bylaı adamdar tek qana kúnge qyzdyrynyp qoımaı, sonymen qatar kitap oqýǵa múmkindigi bolady»,- deıdi Ábý-Dabı mýnıtsıpalıtetiniń ókili Adel al-Rabıaa.
Alǵash mundaı kitaphana Ábý-Dabı ortalyǵyndaǵy otbasylyq jaǵajaıda ashylypty. Kitaphana sórelerinen BAÁ tarıhy men mádenıeti jaıynda, avtobıorafııalyq kitaptar, sýret albomdary oıyp oryn alǵan. Sondaı-aq, álem ádebıetiniń úzdik týyndylary men balalarǵa arnalǵan kitaptar da qoıylǵan. Oǵan qosa qoldanýshylarǵa eń zamanaýı planshetter men kompıýterler beriledi. Ámirlik bıligi bolashaqta osyndaı kitaphanalar jelisin qurýdy josparlap otyr.
