BAÁ-de záýlim ǵımarat órtenip, 250 otbasy baspanasyz qaldy
ASTANA. QazAqparat - Shardja ámirligindegi (BAÁ) turǵyn úı ǵımaratynda shyqqan órt 250 otbasyn baspanasyz qaldyrdy. Keshe Al Naser Tower ǵımaratynyń birinshi qabatynda ot shyqqan. Saldarynan 24 qabattyń barlyǵy órtendi.
«RIA Novostı» agenttigi habarlaǵandaı, polıtsııa jaqyn mańdaǵy úılerdiń turǵyndaryn qaýipsiz jerge shyǵaryp, aýdandy qorshaýǵa aldy. Shamamen 40 adamǵa ys tıgin. Odan ózge japa shekkender joq.
Turǵyndarynyń sózderine qaraǵanda, záýlim ǵımaratta órtke qarsy júıe durys jumys istemegen. Al birneshe aı buryn turǵyndar kondıtsıoner qyzmetine shaǵym jasaǵan. Basqarýshy kompanııa olardyń shaǵymdaryna qulaq aspaı kelgen, dep jazdy russian.rt.
