BAÁ-de uıymdasqan qylmystyq toptyń taǵy bir múshesi quryqtaldy
ASTANA. 2 maýsym. QazAqparat - Búgin Qazaqstannyń Qarjy polıtsııasy jáne Birikken Arab Ámirlikteriniń quqyq qorǵaý organdary birlesip júrgizgen shuǵyl-izdestirý is-sharalardyń nátıjesinde Ábý-Dábı qalasynda uıymdasqan qylmystyq toptyń taǵy bir múshesi - Baqyt Otarbaev qolǵa tústi.
Bul týraly vedomstvonyń baspasóz qyzmetinen málim etti.
Uıymdasqan qylmystyq top qurdy jáne basqardy, uzaq ýaqyt boıy «Qorǵas» jáne «Qaljat» keden beketterinde ekonomıkalyq kontrabandamen aınalysty degen aıyptar taǵylǵan B.Otarbaev, buǵan deıin qylmystyq izdeý organdarynan boı tasalap júrdi, keıin oǵan izdeý jarııalandy.
Qazirgi ýaqytta Agenttik Qazaqstan Respýblıkasynyń Bas prokýratýrasy arqyly Otarbaev pen Birikken Arab Ámirlikterinde ustalǵan UQT-nyń taǵy bir múshesi Qaıyrbaevty Qazaqstanǵa ekstradıtsııalaý protsedýralaryn júrgizýde.
