BAÁ-de tutqyndalǵan otandastarymyz ólim jazasyna kesilýi múmkin

ASTANA. 22 qarasha. QazAqparat - Ústimizdegi jyldyń qazan aıynyń 30-y kúni Birikken Arab Ámirlikterinde Qazaqstan azamattary tutqyndalǵan bolatyn.

Dýbaı prokýratýrasy Oral qalasynyń turǵynyna kisi ólimine qatysy bar ári qarjylyq alaıaqtyq jasady, sondaı-aq, qylmystyq top qurdy degen aıyp taǵyp otyr. Qazirgi ýaqytta Qazaqstan Respýblıkasynyń Bas prokýratýrasy olardy elge qaıtarýdyń joldaryn qarastyrýda. Bul másele BAÁ-de jeltoqsan aıynda qaıta qaralmaq.

«Ol jaqtaǵy otandastarymyz túrli qylmysqa shatylǵan: kisi ólimi, ekonomıkalyq qıturqylyq, uıymdasqan qylmystyq topqa jetekshilik etý. Ondaǵy azamattarymyzdy ekstradatsııalaý máselesi áli oń sheshimin tapqan joq»,- dep málimdedi QR Bas prokýrorynyń birinshi orynbasary Iogan Merkel.

Qazaqstan azamattarynyń qolymen jasalǵan zańsyzdyqtar Birikken Arab Ámirlikterinde asa aýyr qylmys bolyp sanalatyndyqtan, olar ómir boıy bas bostandyǵynan aıyrylýy nemese ólim jazasyna kesilýi múmkin.

Dýbaı polıtsııasy qazan aıynyń 30-y kúni 12 (keıbir málimetter boıynsha - 13) Qazaqstan azamatyn qolǵa túsirgen. Aldyn-ala alynǵan derekke qaraǵanda, olardyń kóbisi birneshe jyl boıy avtokólik urlap, olardyń qosalqy bólshekterin satqan. Al, qalǵandary otbasymen birneshe kúnge týrıstik saparmen kelgen kórinedi.

Tutqyndalǵan otandastarymyzdyń týys-týǵandary BAÁ polıtsııasynyń taqqan aıyptaryn joqqa shyǵaryp otyr, dep jazady muslim.kz.