BAÁ-degi qyrǵyzstandyqtar júrgizýshi kýáligin emtıhansyz aıyrbastaı alady

ASTANA. KAZINFORM — Qyrǵyzstan men Birikken Arab Ámirlikteri arasynda 2025 jylǵy 14 sáýirde qol qoıylǵan, júrgizýshi kýálikterin emtıhan tapsyrmaı ózara taný jáne aıyrbastaý týraly kelisim búgin kúshine endi, dep habarlaıdy KAVAR.

Kólik quraldaryn jáne júrgizýshi quramyn tirkeý jónindegi memlekettik agenttiktiń habarlaýynsha, endi BAÁ-de zańdy turatyn Qyrǵyz Respýblıkasynyń azamattary ulttyq júrgizýshi kýálikterin qosymsha oqý men emtıhan tapsyrmaı BAÁ kýálikterine aıyrbastaı alady.

Sol sııaqty Qyrǵyzstanda júrgen BAÁ azamattaryna da osyndaı múmkindik beriledi.

Bul kelisimniń maqsaty — azamattardyń qozǵalysyn jeńildetý, eki eldiń memlekettik qurylymdary arasynda senimdi nyǵaıtý jáne kólik pen jol qaýipsizdigi salasynda yntymaqtastyqty damytý.

Aıyrbastaý úshin qajetti qujattar:

- BAÁ-degi Qyrǵyzstan azamattary úshin:

• QR azamatynyń tólqujaty; 
• BAÁ-de turýǵa ruqsattyń qoldanystaǵy qujaty;
• Ulttyq júrgizýshi kýáligi;
• Medıtsınalyq anyqtama.

- Qyrǵyzstandaǵy BAÁ azamattary úshin:

• BAÁ azamatynyń tólqujaty;
• QR-da turýǵa ruqsat;
• Ulttyq júrgizýshi kýáligi;
• Ý-083 nysanyndaǵy medıtsınalyq anyqtama.

Eskere ketetin jaıt aıyrbastaý kezinde ulttyq júrgizýshi kýálikteriniń túpnusqalary alynbaıdy. Qosymsha aqparatty Qyrǵyzstan men BAÁ-niń konsýldyq mekemelerinen alýǵa bolady.

Buǵan deıin Qyrǵyzstan tsement ımportyna salynǵan tyıymdy alyp tastaǵany habarlandy.