BAÁ-de tolassyz jaýǵan jańbyr rekordtyq mólsherge jetti

ABÝ-DABI. QazAqparat – Birikken Arab Ámirlikterinde sońǵy eki kúnde tolassyz jaýǵan jańbyr nátıjesinde 27 jyldaǵy jaýyn-shashynnyń eń kóp mólsheri túsken, dep habarlaıdy QazAqparat tilshisi Khaleej Times.

Ulttyq meteorologııa ortalyǵynyń málimetinshe, nóser men jańbyr el tarıhyndaǵy eń úlken sý tasqynyna ákeldi. Beısenbide Fýdjeıra port stantsııasynda 255,2 mm jaýyn-shashyn tirkelgen, bul shilde aıynda BAÁ úshin eń joǵary kórsetkish.

Jaýyn-shashynnyń mólsheri boıynsha ekinshi kórsetkish - 209,7 mm BAÁ-niń soltústik-shyǵysyndaǵy Ras-Al-Haıma ámirliginde ornalasqan Masafı qalasynda tirkeldi.

Úshinshisi - Fýdjeıra áýejaıynda jaýyn-shashyn mólsheri 187,9 mm-ge jetti. Fýdjeıra polıtsııasy sý tasqyny saldarynan zardap shekkender týraly eshqandaı habarlama túspegenin, tek ǵımarattar men kólikterge zııan kelgenin habarlady.

BAÁ vıtse-prezıdenti sheıh Muhammed bın Rashıd Dýbaıdaǵy qutqarý toptaryna Fýdjeıra Ámirliginde, sondaı-aq qatty jańbyrdan zardap shekken eldiń shyǵys aımaqtarynda qutqarý jumystaryna kómek kórsetýdi tapsyrdy.

El Úkimeti beısenbi men jumada qashyqtan jumys isteýge kóshý týraly jarlyq shyǵardy.

Foto: www.khaleejtimes.com