BAÁ-de tolassyz jańbyr saldarynan áýe reısteri toqtatyldy

ASTANA. KAZINFORM – Birikken Arab Ámirlikterinde nóser jańbyr jaýyp, keıbir eldi mekenderde qatty sý tasqyny boldy. Tabıǵı apattan zardap shekken aımaqtardyń qatarynda eldiń eń iri qalasy Dýbaı da bar. 15 sáýir kúni keshke bastalǵan jańbyr tolastaǵan joq, dep jazady AZERTADJ.

Khaleej Times habaryna sáıkes, aýa raıynyń qolaısyzdyǵyna baılanysty Dýbaı halyqaralyq áýejaıynda kem degende 17 turaqty reıs toqtatylǵan. Reıstiń toqtatylýy, keshigýi jáne baǵytyn ózgertý kúni boıy tirkelip jatyr.

Birqatar qalalarda qoǵamdyq oryndarǵa barýǵa shekteý engizilip, keıbir baǵyttar boıynsha teńiz kóligi jáne avtobýstardyń qozǵalysy toqtatylǵan.

Tótenshe jaǵdaıǵa baılanysty BAÁ fýtbol qaýymdastyǵy 16 sáýirge josparlanǵan barlyq matchty keıinge qaldyrý týraly sheshim qabyldady.

Ál-Aın qalasynyń Al-Kýa aýdanynda kóshkin saldarynan jol opyrylyp, úlken shuńqyr paıda bolǵan.

Birikken Arab Ámirlikteriniń bıligi halyqty osy sársenbige deıin jalǵasýy múmkin bolǵan nóserli daýyl basylǵansha asa qajet bolmasa, úılerinen shyqpaýǵa keńes berdi.