BAÁ-de Saýd Arabııasy koroliniń qazasyna baılanysty úsh kún aza tutylady
ÁBÝ-DABI. QazAqparat - Birikken Arab Ámirlikteriniń prezıdenti sheıh Halıfa ben Zaıed Ál Nahaııan musylmandardyń eki kıeli ornyn saqtaýshy - Saýd Arabııasynyń koroli Abdýlla ıbn Ábdel Ázızdiń ólimine baılanysty úsh kún aza tutýdy ámir etti.
«Biz óz halqyna kóp qyzmet etip, shyn júrekten musylmandardyń múddesin qorǵaǵan arab álemindegi eń tanymal kóshbasshylardyń birin joqtap otyrmyz. Alla Taǵaladan onyń janyn jánnátqa jiberýdi tileımiz», - dedi ol. BAÁ-niń prezıdenti úsh kúndi azaly kún dep jarııalady. Bul kúnderi eldegi barlyq úkimettik ǵımarattarda, Ámirlikterdiń sheteldegi barlyq Elshilikteri men dıplomatııalyq mıssııalarynda memlekettik týlar túsiriledi. Sondaı-aq, sheıh Halıfa ben Zaıed Ál Nahaııan búgin aqsham namazynan keıin eldiń barlyq meshitterinde onyń rýhyna duǵa baǵyshtaýdy buıyrdy. Saýd basshysynyń ólimine baılanysty osyndaı rásimderdi arab áleminiń basqa da elderi jasap jatyr. Iordanııada 40 kún aza tutylmaq. Mysyr prezıdenti Ábdel Fattah Ál-Sısı óziniń shetelge saparyn toqtatyp, Er-Rııadqa ushyp shyqty.
