BAÁ-de qyrǵyz azamatshasyn tonady degen kúdikpen qazaqstandyqtar ustaldy - SІM
ASTANA. 14 mamyr. QazAqparat - Birikken Arab Ámirlikterinde qyrǵyz azamatshasyn tonady degen kúdikpen qazaqstandyqtar ustaldy.
Bul týraly búgin Syrtqy ister mınıstrliginde ótken dástúrli brıfıng barysynda vedomstvonyń resmı ókili Altaı Ábıbýllaev málim etti. «Qazaqstan azamattary BAÁ-de qylmys jasaǵandary úshin ustaldy. Qyrǵyzstan azamatshasyna qatysty zalal mólsheri 350 myń dollardy quraıdy», - deıdi resmı ókil. Onyń aıtýynsha, atalǵan másele boıynsha elimizdiń Syrtqy ister mınıstrligi tıisti suraý jasaǵan. «Dýbaı quqyq qorǵaý organdary tarapynan bul másele rastalyp otyr», - deıdi A. Ábıbýllaev.
