BAÁ-de kólik apaty saldarynan 22 adam qaza tapty
ÁBÝ-DABI. 5 aqpan. QazAqparat - Birikken Arab Ámirlikteriniń Ál-Aın qalasynda bolǵan jol-kólik apaty - avtobýs pen júk kóliginiń soqtyǵysýy saldarynan 22 adam qaza tapty.
Ámirliktiń BAQ qaza tapqandardyń barlyǵy Ál-Raýd aýdanyna jumysqa bara jatqan azııalyq jumyskerler ekenin habarlaıdy. Aldyn ala málimetter boıynsha, ishinde adamdar otyrǵan avtobýspen úlken jyldamdyqpen kele jatqan júk kóligi soqtyǵysty. Onyń tejegishi isten shyǵyp qalý múmkindigi jazylady.
Oqıǵa ornyna barlyq medıtsınalyq jáne qutqarý qyzmetteri shyǵyp, zardap shekkenderdi jaqyn jerde ornalasqan aýrýhanalarǵa jetkizý úshin tikushaqtar jumyldyryldy. Qaıǵyly oqıǵanyń kýágerleri qutqarýshylar qaza tapqandardy avtobýstyń ishinen alyp shyǵý úshin kóp ýaqyt pen kúsh jumsaǵanyn habarlady.
Bul oqıǵa el tarıhyndaǵy eń úlken apat boldy. Qazirgi ýaqytta BAÁ-niń bılik ókilderi jekemenshik kompanııalardy júk tehnıkasynyń tehnıkalyq qaralýyn jáne júrgizýshilerdiń daıyndyǵyn muqııat tekserý týraly eskertti.
