BAÁ-de qar satylyp jatyr
ASTANA. 24 jeltoqsan. QazAqparat - Arab Ámirliginde kóptegen balalar naǵyz qardy eshqashan kórmegen. Qar bolmaǵannan keıin merekelik kóńil kúıdi qalyptastyrý óte qıyn. BAÁ-de qysta aýanyń temperatýrasy negizinen +20° S -dan sýyq bolmaıdy. Sondyqtan da munda qar jaqsy satylady, oǵan degen suranys joǵary, dep jazady segodnya.ua.
Qar áserin qalyptastyrýǵa Desert Snowkompanııasy mamandanǵan, olar tilek bildirgenderiń aýlalaryn jasandy qarmen sebeleıdi. Kompanııanyń 40 qar tóseıtin mashınasy, aqqalalary jáne jasandy shyrshalardan turatyn bútindeı bir ormany bar.
Baq ishinde qalyńdyǵy 5 sm bolatyn qar jamylǵysyn jasaý 5 sharshy metr jer úshin shamamen 1400 AQSh dollaryn quraıdy. Alaıda ystyq ámirliktiń turǵyndary mundaı rahatqa bólený úshin aqshany aıamaıdy. Sebebi jergilikti balalardyń kóbi eshqashan naǵyz qardy kórmegen.
Jeltoqsan aıy bastalǵaly kompanııa 3,75 tonna qar satqan kórinedi.
