BAÁ-de «Id ál-Adha» merekesi qarsańynda túrmede otyrǵan 300-den astam adam bostandyqqa jiberiledi
ÁBÝ-DABI. 11 qazan. QazAqparat - Dýbaı ámirliginiń qylmystyq jáne túzetý mekemelerinde jazalaryn ótep jatqan 346 adamǵa raqymshylyq jarııalandy jáne olar taıaýda eldiń vıtse-prezıdenti, Dýbaı basshysy sheıh Muhammed bın Rashıd Al Maktýmnyń sheshimimen bostandyqqa shyǵarylady.
Raqymshylyq alda bolatyn musylmandardyń «Id ál-Adha» merekesine oraı jarııalanyp otyr. Dýbaıdyń bas prokýrory Essam Issa Al Hýmaıdan sheıh Muhammedtiń buıryǵyn oryndaý maqsatynda prokýratýra ámirlik polıtsııasynyń bas qolbasshysymen yntymaqtastyqqa qajetti quqyqtyq sharalardy 14 qazandaǵy merekege deıin ótkizetinin habarlady.
Dýbaıdyń bas prokýrory sheıh Muhammed bın Rashıd Al Maktýmǵa «jergilikti jáne halyqaralyq deńgeıde gýmanıtarlyq jaǵdaıǵa kórsetip otyrǵan qamqorlyǵy men kóńiline» alǵysyn bildirdi.
Sońǵy kezderi BAÁ sheteldikterge qoldanatyn jazalaý júıesin jumsartty. ıAǵnı, bas bostandyǵynan aıyrylǵan sheteldik qylmyskerler jazalaryn sál ótegennen keıin, Ámirlikke ómir boıy kelmeý týraly sheshimimen óz otandaryna deportatsııalanady.
