BAÁ-de Halyqaralyq úkimettik forým bastaldy

ShARDJA-ASTANA. QazAqparat - Birikken Arab Ámirlikteriniń Shardja ámirliginde búgin 7-shi Halyqaralyq úkimetpen baılanys forýmynyń jumysy bastaldy, dep habarlaıdy «QazAqparat» HAA tilshisi.

Osy jyly Shardja EKSPO ortalyǵynda ótken forýmnyń qatysýshylary tsıfrlyq tehnologııalar dáýirinde úkimettiń bolashaǵy qandaı bolatyndyǵyn anyqtaýǵa tyrysady.

Forýmdy ashqan Birikken Arab Ámirlikteriniń Joǵarǵy Keńesiniń múshesi jáne Shardja ámirliginiń basshysy sheıh Sultan bın Muhammed Ál-Kasımı jańa aqparattyq dáýirdiń jaqyndap kele jatqanyn aıtty.

«Tsıfrlyq revolıýtsııa qarqyndy damyp keledi, tek birneshe úkimet qana qazir osyny túsinip jumys isteı bastady. Biz tsıfrlyq revolıýtsııanyń bolashaǵyna senemiz », - dedi ol.

Shardja ámirliginiń basshysy jańa tehnologııalar jas urpaqqa qaýipti qarý bolyp tabylatynyn aıtty. Onyń aıtýynsha, úkimettiń tapsyrmalary osy qarýdy durys emes maqsattarǵa qoldanýǵa kedergi jasaıtyn muqııat tásilderdi damytýdy júzege asyrady.

Bıylǵa forýmǵa Aq úıdiń burynǵy baspasóz hatshysy Shon Spaıser, Nobel syılyǵynyń ıegeri, Polshanyń burynǵy prezıdenti Leh Valensa, Apple kompanııasynyń ókili Stıv Voznıak, «Ýıkıpedııa» avtory Djımmı Ýeılıs jáne 14 jastaǵy danyshpan bala Tanmaı Bakshı sııaqty tulǵalar qatysýda.


Foto: wam.ae