BAÁ-de el prezıdenti aǵasynyń qazasyna baılanysty úsh kúndik aza tutý jarııalandy

ÁBÝ-DABI. QazAqparat – Birikken Arab Ámirlikterinde el prezıdenti, uly mártebeli sheıh Mýhammed ben Zaıd Al Nahaııannyń aǵasy jáne Ábý-Dabı basshysynyń ókili, uly mártebeli sheıh Saıd ben Zaıd Al Nahaııannyń qazasyna baılanysty úsh kúndik aza tutý jarııalandy, dep habarlaıdy QazAqparat WAM-ǵa silteme jasap.

Aza tutý kúni 27-29 shilde aralyǵynda jarııalandy. Elde týlar túsirildi.

El prezıdentiniń atyna aǵasynyń qazasyna baılanysty kóńil aıtý hattary túsip jatyr.

Prezıdent uly mártebeli sheıh Mýhammed ben Zaıd Al Nahaııan búgin Ábý-Dabı meshitinde qaıtys bolǵan sheıhtiń janazasyna qatysty. Oǵan qatysqandar Alladan ol úshin raqym tilep, onyń óz eline jáne halqyna qyzmet etýge arnaǵan ómiri úshin madaq surady. «Biz Allaǵa tıesilimiz jáne oǵan qaıtamyz». Janazadan keıin Uly mártebeli qaıtys bolǵan sheıh Saıd jerlengen Ábý-Dabıdegi Al-Batın zıratyna bardy.