BAÁ-de belgisiz vırýstan 200-den astam túıe aram óldi
ÁBÝ-DABI. QazAqparat - Birikken Arab Ámirlikteriniń ortalyq aımaqtarynda belgisiz vırýstan túıelerdiń jappaı qyrylýy oryn aldy, dep jazady «Emarat Ál ıÝm» jergilikti basylymy.
Sharýalar sonyń saldarynan qomaqty shyǵynǵa batyp jatqanyn aıtyp dabyl qaǵýda. Olardyń málimetteri boıynsha, jergilikti naryqta túıeniń baǵasy 200 myń dırhamǵa (54 myń AQSh dollary) baǵalanady. BAÁ ortalyq aımaqtar boıynsha Ulttyq keńesiniń múshesi Mýzapah Bel Adjıd Ál Ketbı birneshe aptanyń ishinde 200-den astam túıeniń qyrylyp qalǵanyn rastady. Soǵan baılanysty Ámirliktiń Qorshaǵan orta men sý resýrstary mınıstrligine resmı saýal joldandy.
Vırýstyń belgileri bezgekke uqsas. Oǵan shaldyqqan túıeler jem-shópten, sýdan bas tartatyn kórinedi. Sodan keıin dıareıa bastalyp, maldar 3-4 kúnnen aspaı aram óledi.
