BAÁ-de áıel alǵashqy ret Federaldy ulttyq keńes spıkeriniń ornyn basty
ÁBÝ-DABI. 23 qańtar. QazAqparat - Birikken Arab Ámirlikteriniń bılik ókilderi ámirlikte, jalpy arab áleminde áıelderdiń rólin arttyrýǵa baǵyttalǵan alǵashqy qadamdardy jasaýda.
Buǵan seısenbi kúni BAÁ federaldyq ulttyq keńesiniń múshesi doktor Amal ál Kýbaısı degen áıel adamnyń -eldiń tarıhynda alǵashqy ret spıkerdiń laýazymyna otyryp, atalmysh organnyń otyrysyn ótkizýi dálel boldy.
Doktor A. ál Kýbaısı 2011 jyldan Ámirlikte federaldy ulttyq keńeste tóraǵanyń orynbasary bolyp qyzmet etip keledi. Alaıda seısenbi kúni keńestiń tóraǵasy Mýhammed Ál Mýrr otyrysqa qatysa almady, onyń ornyna A. ál Kýbaısı otyrdy.
Ámirliktiń BAQ-tary jazǵandaı, doktor A. ál Kýbaısı «sessııa barysynda sabyrly ári obektıvti boldy, spıker retinde onyń tarapynan esh abyrjý baıqalmady».
