BAÁ-de aýa temperatýrasy mamyr aıyndaǵy rekordtyq deńgeıge jetti

ASTANA. KAZINFORM — BAÁ-de aýa temperatýrasy mamyr aıynda meteorologııalyq baqylaýlardyń búkil kezeńinde ekinshi kún qatarynan rekordtyq deńgeıge jetti, dep habarlaıdy Oxu.az. 

Eldiń shyǵysynda ornalasqan Sveıhan aımaǵynda aýa temperatýrasy Tselsıı boıynsha 51,6 gradýsqa deıin kóterilse, bir kún buryn Abý-Dabıde 50,4 gradýs ystyq bolyp, mamyr aıyndaǵy rekord tirkeldi.

Bul týraly BAÁ Ulttyq meteorologııalyq ortalyǵy habarlady.

- Búgin elde tirkelgen eń joǵary temperatýra Sveıhanda jergilikti ýaqyt boıynsha 13:45-te 51,6 gradýs Tselsııge jetti, - delingen ortalyqtyń X-tegi paraqshasynda.

2010 jyly Ál-ıAsat aralynda tirkelgen BAÁ tarıhyndaǵy absolıýtti temperatýra rekordy nebári 0,4 gradýsqa ǵana az boldy.

Aımaqta bıyl jyldaǵydan erterek aptap ystyq boldy. Ulttyq meteorologııa ortalyǵynyń habarlaýynsha, sáýir aıyndaǵy ortasha maksımaldy temperatýra rekordtyq kórsetkish – 42,6 gradýsqa jetti. Bul BAÁ bıligi densaýlyqqa eskertý jasap, adamdardy kúnniń ystyǵynda ashyq aýada fızıkalyq belsendilikten aýlaq bolýǵa shaqyrdy.

Eske sala keteıik, BAÁ Abý-Dabıde jasalǵan jańa arab tilindegi JI Falcon Arabic-ti tanystyrdy.