BAÁ-de alǵashqy ǵarysh týrısti atanýǵa baıqaý jarııalandy
ASTANA. QazAqparat - BAÁ-niń Aabar ınvestıtsııalyq kompanııasy jeksenbi kúni birinshi ǵarysh týrısti ataný quqyǵyna ıe bolatyn jandy anyqtaý úshin Ámirlik azamattarynyń arasynda baıqaý jarııalady, dep jazady techno.bigmir.net.
«Aabar men Virgin Galactic BAÁ azamaty úshin SpaceShipTwo bortynda ǵaryshqa ushýǵa arnaıy bılet bólip otyr», - dep málimdedi Virgin Galactic basshysy Djordj Ýaıtsaıds.
Aıta keteıik, bılettiń quny - 250 myń dollar. BAÁ-nen ǵaryshqa ushatyn birinshi týrısti irikteý talaptary jaqyn arada jarııalanady. Virgin Galactic kompanııasy sýborbıtalyq ǵarysh kemesiniń birinshi kommertsııalyq reısin 2014 jyldyń ishinde júzege asyrýdy josparlap otyr.
Kompanııanyń málimetteri boıynsha, synaq pen sertıfıkattaýdan ótip jatqan SpaceShipTwo kemesiniń bortyna alty jolaýshy men eki ushqysh alynady. Osyǵan deıin ǵarysh saparynyń 150 mınýtqa jalǵasatyny habarlanǵan bolatyn. Virgin basshysynyń sózine qaraǵanda, bul saparǵa álden-aq 58 elden 700 adam ushý bıletin brondap qoıǵan.
