BAÁ-da 48 qabatty turǵyn úı órtenip, birneshe adam jaraqat aldy
NUR-SULTAN. QazAqparat – Birikken Arab Ámirlikteriniń Shardja qalasynda 48 qabatty Abbko munarasy órtenip, saldarynan kem degende jeti adam jaraqat aldy. Bul týraly QazAqparat Aljazeera agenttigine silteme jasap habarlaıdy.
Shardja qalasynyń BAQ úkimettik basqarmasynyń málimdemesi boıynsha, turǵyn munarada órt seısenbi kúni keshke bastalǵan. Sonyń saldarynan jeti adam jaraqat alyp, aýrýhanaǵa jetkizildi.
— inform.kz inform.kz
Gulf News gazetiniń habarlaýynsha, qaýipsizdik qyzmetkerleri órttiń jergilikti ýaqyt boıynsha saǵat 21:00 shamasynda bastalǵanyn habarlady.
Khaleej Times qorshalǵan turǵyn munaranyń qasyndaǵy kem degende bes ǵımarat turǵyndary qaýipsiz jerge kóshirilgeni, al bul aýdandaǵy birneshe kólik ústine qulaǵan qoqystan búlingen.
