BAÁ bıznesine Qazaqstandaǵy kásiporyndardy jekeshelendirý usynyldy
ASTANA. QazAqparat - QR Investıtsııalar jáne damý mınıstri Jeńis Qasymbek Birikken Arab Ámirlikteri bıznesiniń ókilderin elimizdegi kásiporyndardy jekeshelendirý baǵdarlamasyna qatysýǵa shaqyrdy, dep habarlaıdy QazAqparat.
«Qazaqstan jekeshelendirý boıynsha aýqymdy sharany júrgizip jatyr, osy oraıda 700-ge tarta memlekettik iri kásiporyndar taıaý jyldary jekeshelendiriletin bolady. Osy kásiporyndardyń bir bóligin «Astana» halyqaralyq qarjy ortalyǵynyń qatysýymen ótkizbekpiz. Bul turǵyda taý-ken, munaı óndirýshi salalardyń, energetıka, kólik pen baılanys, ınfraqurylymdyq nysandar jáne basqa da kásiporyndardyń aktsııalary eskerilip otyr»,-dedi Jeńis Qasymbek Qazaqstan-BAÁ bıznes-forýmynda.
Bıznes-forýmǵa Birikken Arab Ámirlikteriniń 60-qa jýyq kompanııalary ókilderiniń jáne Qazaqstannyń 250-den astam kásipkerleri qatysýda.
Onyń atap ótýinshe, 2015 jylmen salystyrǵanda, 2016 jyly eki el arasyndaǵy taýar aınalymynyń kólemi úsh esege artty.
