BAÁ bıligi eldegi nóser jańbyr saldary týraly sýretter jarııalaýǵa qatań tyıym saldy
ASTANA. QazAqparat - Birikken Arab Ámirliginiń bıligi ǵalamtor arqyly eldegi sý basqan ǵımarattar, tabıǵı apat saldary týraly fotosýretter jarııalaýǵa tyıym saldy, dep habarlaıdy The Independent.
Bıliktiń túsindirýinshe, jergilikti turǵyndar týrısterdi qashyryp almaýy úshin eldiń jaǵymsyz beınesin qalyptastyrmaýy kerek.
BAÁ Іshki ister mınıstrliginiń málimdeýinshe, zańdy attaǵandar kıberqylmys týraly bap boıynsha jazalanady.
Zań boıynsha, eldiń jaǵymsyz beınesin qalyptastyrǵan adam bas bostandyǵynan aıyrylady nemese 1 mln. dırhamǵa deıin (272 myńnan astam dollar) aıyppul tóleıdi.
El bıligi mundaı qadamǵa naýryzdyń basynan beri tolassyz jaýǵan nóser jaýynǵa baılanysty bolǵan oqıǵalardan keıin baryp otyr.
Jergilikti turǵyndar sý basqan joldardyń kóptegen sýretterin jarııalap, jelden jeńilmotorly ushaqtardyń usha almaı jatqany týraly aqparattarmen áleýmettik jeliler arqyly kópshilikpen bólisken bolatyn.
