BAÁ basshysynyń densaýlyǵy ońalyp keledi
ASTANA. QazAqparat - Birikken Arab Ámirliginiń Prezıdenti sheıh Halıfa ben Zaıd Ál Nahaııannyń jaǵdaıy qalypty. Bul týraly Ábý-Dabı hanzadasy, eldiń Qorǵanys kúshteri bas qolbasshysynyń orynbasary Muhammed ben Zaıd Ál Nahaııan málimdedi, dep habarlaıdy ITAR-TASS.
«Eń qıyn kezeń ótti, densaýlyǵy jaqsarady degen úmitimiz bar. Biz óz halqymyzdan elbasymyzdyń densaýlyǵyn jasyrmaımyz», - dedi prezıdenttiń inisi.
Buǵan deıin habarlaǵanymyzdaı, BAÁ basshysy ınsýlt alyp, júregine ota jasalǵan bolatyn.
Sheıh Halıfa bın Zaıed Ál Nahaııan 1948 jyldyń 25 qańtarynda dúnıege kelgen. 2004 jyly ákesi Zaıed ıbn Sultan Ál Nahaııan dúnıeden ótken soń, BAÁ ekinshi prezıdenti boldy. Ol sońǵy on jyl ishinde halyq aldynda zor bedelge ıe bolǵan birden bir basshy. Ámirliktiń ekonomıkasy men halyqtyń ál-aýqatynyń artýy osy basqarýshynyń esimimen tyǵyz baılanysty. 2005 jyly prezıdent barlyq deńgeıdegi memlekettik qyzmetkerlerdiń jalaqysyn eki esege ósirý týraly jarlyqqa qol qoıǵan bolatyn. Sondaı-aq onyń qurmetine 2010 jyly ashylǵan álemdegi eń bıik «Býrdj Halıfa» ǵımaratyna esimi berildi.
